PROSIECT ORMONDE
Mae Prosiect Ormonde yn brosiect arloesol, sy’n integreiddio cynhyrchu ynni trwy losgi nwy o feysydd nwy ar ddiwedd eu hoes neu feysydd nwy ‘braenar’, a’u defnyddio fel catalydd masnachol er mwyn datblygu a chynhyrchu ynni adnewyddadwy o gynllun cynhyrchu ynni gwynt alltraeth. Mae model busnes y cwmni yn defnyddio meysydd nwy tanddatblygedig y daethpwyd o hyd iddynt a ollyngwyd gan weithredwyr eraill neu a brynwyd oddi wrthynt. Nid yw’r cysyniad yn gofyn am grant cyfalaf oddi wrth y cynulliad, ac mae’n fasnachol ymarferol ac yn annibynnol ar fentrau fel hyn.

Mae Prosiect Ormonde yn dangos enillion gwell o ran economeg a buddsoddi trwy:

• Arallgyfeirio incwm a llif arian parod o ddwy ffynhonnell ynni heb amlygu i brisiau cyfnewidiol nwy naturiol     
• Cyd-ddatblygu cynlluniau cynhyrchu ynni arallgyfeiriedig sy’n arwain at gostau gweithredu is trwy isadeiledd a rennir ac a ddatblygwyd ar y cyd
• Mynediad at refeniw premiwm o gynllun y TYYA (Tystysgrif Ymrwymo i Ynni Adnewyddadwy) ar gyfer ynni gwynt a photensial ar gyfer cynhyrchu ynni nwy sy’n brigo     

Cwmni ynni annibynnol newydd o Brydain yw Eclipse Energy Company Limited sy’n cydnabod cynaliadwyedd yn ystyriaeth allweddol ar gyfer dyfodol diwydiant ynni alltraeth y DU yn yr 21ain Ganrif. Roedd ennill y drwydded nwy yn 2001 yn gam cyntaf pwysig i’r Cwmni tuag at ei nod o gynhyrchu ynni o adnoddau confensiynol ac adnewyddadwy ill dau.

Mae Ystad y Goron wedi caniatáu Prydles am gonsesiwn gwynt trideg tyrbin ar delerau ‘Rownd Un’. Cynhelir y datblygiad o dan nawdd cwmni arbennig i’r diben, sef Ormonde Energy Limited.

Ein hopsiwn dewisedig yw datblygu cynllun cyd-ddatblygu alltraeth unigryw, lle byddai ynni’n cael ei gynhyrchu o ddau faes nwy bach, sef Gogledd Ormonde a De Ormonde, ac o fferm wynt alltraeth gyfagos, gyda’r trydan yn cael ei drosglwyddo trwy gebl i’r Grid Cenedlaethol.

Bydd ein cynllun yn cynhyrchu trydan o’r tyrbinau gwynt, ond yn ystod amodau o osteg yn y tywydd neu gyfnodau lle bydd y tyrbinau gwynt yn cael eu hatal, gellir cynhyrchu trydan o hyd o’r cronfeydd nwy trwy lwyfan cynhyrchu alltraeth, er mwyn darparu allbwn trydan hyblyg i fodloni anghenion y Grid Cenedlaethol. Gallai’r cynllun hwn gynhyrchu digon o drydan i ddarparu ynni i fwy na 155,0001,2 o gartrefi, y byddai 71,0001 ohonynt yn cael eu gyrru gan ynni adnewyddadwy.

• Prosiect Cynhyrchu Ynni Alltraeth gwerth tua 200 MW
• Yn cael ei yrru gan gronfeydd nwy a chynhyrchu ynni trwy wynt 
• Allforio Ynni trwy gydgysylltydd cebl   
• Bywyd y prosiect - 25 mlynedd o leiaf    
• Cyfanswm gwariant cyfalaf £280m

1 Ar sail cyfartaledd defnydd ynni o 4700kW awr ar gyfer pob cartref, fel yr adroddwyd gan grynhoad ystategau ynni’r DU 2002

2 Yn dibynnu ar y ffordd y caiff y tyrbinau nwy eu gweithredu   

Buddion Lleol 
Mae adnoddau, cyfleusterau a phrofiad sylweddol gan y rhanbarth o ran peirianneg, dylunio ac adeiladu busnes, sy’n ddeniadol i ddatblygwyr. Yn ystod y flwyddyn nesaf, bydd tîm y prosiect yn edrych ar gyfleoedd i ddefnyddio cyfleusterau a phersonél lleol. Yn ystod y cyfnod adeiladu, caiff sawl cant o swyddi eu creu yn yr ardal, a thrwy gydol y cyfnod gweithredol caiff nifer o swyddi hirdymor eu creu yn y ganolfan reoli a gweithrediadau. Petai sylfaen gynhaliaeth yn cael ei sefydlu yn yr ardal, gellid creu swyddi hirdymor ychwanegol.