Sefydlwyd Eclipse Energy UK CCC ym mis Chwefror 1999 gan weithwyr proffesiynol yn y sector ynni a chanddynt brofiad helaeth fel uwch reolwyr ac o agwedd dechnegol y sector. O ganlyniad i’r profiad blaenorol hwn, mae gan Eclipse wybodaeth ymarferol hynod dda o’r sector ynni alltraeth, yr amgylchedd gwaith, cefndir rheoleiddiol a’r diwydiant contractio. Mae wedi defnyddio’r sylfaen wybodaeth hon i sefydlu sylfaen cefnogi contractwyr briodol ar gyfer ei weithgareddau yn y busnes gwynt a nwy ill dau.

Eclipse yw’r cwmni ynni cyntaf i drosglwyddo disgyblaethau, profiad a thechnoleg busnes Archwilio a Chynhyrchu Olew a Nwy alltraeth i hyrwyddo datblygu masnachol ynni gwynt alltraeth. Cwmni preifat heb ei ddyfynnu yw Eclipse Energy, a chanddo tua 90 o gyfranddeiliaid sy’n cynnwys rheolwyr, gyda chyfran sylweddol o gyfranddeiliaid yn weithwyr proffesiynol neu’n gwmnïau sector ynni gwybodus.

Ym mis Ebrill 2000, sicrhaodd Eclipse Energy gyllid sbarduno trwy gynnig cyfranddaliadau preifat, yn gwbl unol â Rheoliadau’r Ddeddf Gwasanaethau Ariannol a Rheoliadau Cynnig Sicrwydd yn Gyhoeddus. Yn ddiweddarach, ym mis Chwefror 2004, cwblhawyd dyroddiad hawlddewis llwyddiannus. Yn gynnar yn 2005, cododd Eclipse ychydig o dan £5m mewn rownd codi arian sefydliadol a arweiniwyd gan Oriel Securities.

Cyfarwyddwyr y Cwmni